Gathering

4月28 日 -

 

約埋兩位好友一齊聚聚, 仲多位好得意嘅BB一齊玩



一坐低, Ringo 叔叔就攞咗一大盒野出嚟, 諾諾一見到, 雙眼發光  

原來係一盒反斗車王的禮物!  佢一見到, 有麥坤, 又有賽道, 開心到震!    你叫佢做咩佢都會聽你講 

諾諾攞住個盒唔想放, 仲叫Ringo 叔叔幫佢砌好條賽道, 哈哈~

.
Ringo 叔叔好專心咁砌條賽道, 諾諾好想幫手, 但佢點砌都唔啱
Bu B 好似都想玩埋一份
..

好可愛嘅Bu B ~


諾諾見到呢盒玩具, 真係愛不釋手, 仲攞埋其他車車一齊"比賽" ....

.

有呢D車車係度, 佢會專心咁玩,  我地可以傾吓計~

傾到咁上吓, 到咗開餐時間~

亞Mi 整咗土匪雞亦, 正

.



呢個單骨雞亦為咗諾諾而整, so sweet ~

.



成枱都係野食, 我地真係唔客氣喇!

.




仲有荷葉飯!  真係不得了 ! 


開心嘅時間過得特別快, 又係時候講拜拜!
有小朋友, 有大肚婆, 唔可以好似以前咁玩到咁夜, 10點幾就要返屋企喇, 不久嘅將來, 我地gathering 又多位baby 啦, 真開心!


 

返到屋企, 諾諾要瞓攪了, 即使佢幾唔捨得架麥坤, 都要瞓醒, 第二日先可以玩~


一起身, 就問我麥坤係邊... 而唔係想食早餐... 
.

.


玩得幾開心!
小朋友就係咁, 有得玩就連亞爸亞媽姓咩都唔知~ 

.
如果話女人有得shopping 就忘記一切, 咁小朋友有車車或Barbie 玩就開心到顛~





第二日約咗公公婆婆飲茶, 飲完茶一見到有D機動遊戲又話要玩~

多得51勞動節, Babi 有得放假~  一齊去行街食野

.

食完好飽~

.




玩叫咗個兒童餐比諾諾食, 但佢最想食薯條, 之後食小小腸仔, 對個蛋包飯無興趣...

但見到Babi 杯咖啡上面嘅cream 好有興趣!   但佢無得食

食飽去行街, 諾諾見到Chocolate 外的poster 咁得意, 叫Babi 幫佢影相~

.




返到屋企, 仲即刻拆 lego 玩, 佢就最開心 ~

近來諾諾好似好鐘意fireman, 佢見到呢set Lego 好開心! 

.



.

除咗有 fire truck, 仲有 safari, 淨係呢兩套lego 已經玩到唔捨得瞓~

玩完車車, 到咗貼紙時間.
之前好多人送咗d貼紙比佢, 比佢貼吓來練習吓手指肌肉~

仲可以比佢坐定定哩~

玩話咁快就貼滿一版!   仲話想開另一張嚟貼!

.



車前兩天去街時途經 Ladurée , 買了些 Macaron 來吃, 真的比以前貴了 (多年前在外國食過, 在香港有時也會在coffee shop 食) !  
但諾諾竟然唔食!  已經第二次比佢食, 但佢完全無興趣, 可能不是朱古力味吧 ~

諾諾豬D飲食口味真的很怪, 好多種食物, 佢自己第一眼見到就知食或是唔食.
 如果迫佢食, 一入口佢就會lur 出嚟, 有時仲會嘔 !

希望佢d口味會慢慢改啦 ~

 

 

 

"起樓"

昨晚去完婆婆度, 舅父仔又有好野!

買到個好正嘅干腰!  好香, 好滑, 仲好creamy

真係減緊肥都要食呀

.

星期五返學, 點知接諾諾放學時, 有位老師突然好神色凝重咁同我講: "Terrence 媽咪呀, 頭先Terrence 食茶點時, 撞到個托盤, 額頭腫腫地... "

我: 吓?! 個托盤係咩質地? 又會撞到既?
老師: 係膠托盤嚟, 但上茶點時幾個小朋友, 包括 Terrence 突然四周跑跳, 佢一擰過嚟時, 姐姐又轉身, 咁大家一撞, 就撞到Terrence 個額頭...
我: 咁有無流血?  腫成點?
老師: 姐姐已經即時同佢搽去瘀膏, 但佢唔比人地幫佢搽野, 猛話痛, 最後只係同佢敷冰...  我地以後上茶點時間會要d小朋友坐定哂先上架啦, 會小心d~

到咗放學時間, 諾諾和其他小朋友一樣, 好開心咁如常跑出來, 一見到我,
仲同我 :"講頭先撞親個頭, 瘀咗呀~"

我一見到諾諾個額頭, 嘩!  咁腫嘅??!  平時撞親都無咁犀利!
跟住我話: 嘩! 咁腫嘅?!
老師: 係...  其實撞咗一吓, 唔知點解會咁犀利... 以後上茶點時一定要小心d  (佢語氣有少少驚)
姐姐: 佢一撞到我已經幫佢搽野啦, 但佢唔肯比我幫佢搽, 敷咗好耐冰, 但敷完冰就咁樣...
我: 諾諾, 仲痛唔痛呀? 
諾諾:  (我摸吓佢個額頭), 哎呀, 好痛呀!

跟住就走咗去, 繼續跳...  好似無事咁~
之後我地返屋企~
 


返到屋企同佢搽野, 一掂佢額頭就話痛, 只係輕輕捽咗幾吓就用藥酒敷住佢, 比佢飲多少少千禧泉, 等佢快d散瘀~

痛到咁仲可以笑, 真係服咗佢





臨瞓都要玩, 完全唔似有痛嘅感覺...

.

雖然隻衰豬好爛玩又百厭, 但老師竟然讚佢, 話佢做練習時最快, 仲啱哂~



仲話佢最鐘意上English time ~

.



估唔到佢都有專心嘅時候~

過幾日等佢放學, 買咗盒餅仔比佢, 只係攞住, 已經好開心

.






買完餸, 準備晚上打邊爐, 好耐無打邊爐啦, 好開心  

.




今晚d蠔都幾靚 

.

.
等我專登去嘉麗園度買墨魚丸, 貢丸和牛丸, 點知都唔好味, d味同以前唔同哂...  好失望...

開餐啦!

真的好飽呀!   仲食剩好多野~


之前食剩的石斑, 第二日用嚟做午餐
.



d魚新鮮, 唔識煮飯都蒸到嚟食吓~

仲要加碗白飯

 

.



未試過食魚做午餐, 清清地食魚都不錯呀