較早前買了些壽司冒，諗住整多些不同的蔬菜給諾諾食, 因為佢越來越偏食。
買了很久, 還未有機會用…
有日，Babi突然話唔返嚟食飯，我"即興地" 用車車冒來做飯糰給諾諾食XD
由於是即興，外形真的不討好…
但諾諾見到好開心，仲食哂!
裡面有紅蘿蔔和椰菜，佢試完味照食! (平時佢一食到就嘔……)
過了幾天, 又試吓整比諾諾食,
今次加多兩條"魚" XD
佢又食哂D蘿蔔, good!
除了蘿蔔, 西瓜佢都係唔肯食, 我地以前成日係佢面前食, 佢試咗一啖就嘔, 好麻煩...
唔知係咪返咗學, 見同學仔各種生果都食, 佢突然又愛上食西瓜
我地成日都覺得佢棚牙唔用嚟 "咆" 西瓜真係好嘥, 哈哈~
以前佢連粟米都唔肯食, 近來開始肯食!
飲湯時見我食粟米, 佢都話要食, 食半條都好好了~
佢以前唔食紫菜, 如蛋或鰻魚壽司有紫菜, 佢要"撩"走d紫菜先肯食...
自從整咗d得意飯糰 (加咗紫菜) 比佢食之後, 佢開始成舊壽司食~
總括嚟講, 同諾諾食飯係一件好麻煩嘅事...
佢一食到d唔鐘意嘅食物, 就會嘔...
真的很失禮...
佢好多菜都唔肯食, 最驚佢唔夠營養容易病....
希望佢將會有改善吧~
有天星期六去婆婆度, 晚上食飯時食了炸蠔, 天氣開始凍, d蠔開始靚啦!
諾諾對腳又大咗了, 除了返學鞋,
得一對鞋啱著, 忍不住買鞋比佢, 佢好鐘意 XD
下個月就到聖誕節, 四周和各商場都已經佈置得很有聖誕氣氛!
我自己也忍不住買了新衫來過聖誕 :) !
經過精品店見到d好有聖誕氣氛嘅茶具和碟 (有一堆未拆), 忍不住買了 XD
聖誕節真的普天同慶!
除了紀念耶穌, 有慶祝活動, 大食會, 倒數等等, 大家也會買聖誕禮物給家人或朋友, 店舖老闆更開心 !
所以每逢11月和12月係特別瘋狂購物月哩!
