爬水~

7 月3 日, 好好天!   同諾諾去街街


呢隻衰豬仔近來日日都講 "怪獸", 著咗件怪獸衫仲扮埋聲添....   roar roar ~ 

 

諾諾佢話好驚毛毛和d怪獸, 因為佢地會趁小朋友瞓咗時係個衣櫃度出嚟嚇人,
但我覺得諾諾係唔驚... (只係"話"驚~)

 

同嫲嫲食完lunch, 帶諾諾去咗一田, 佢一見到熊本熊就話: " 好大隻bear bear 呀!"
又問我: "bear bear 係咪好鐘意食士多啤梨架 ?  佢攞住咁大個士多啤梨既 ?!"
我: "佢咩野生果都食, 唔似你揀生果食."
諾諾: "哦... 我唔食士多啤梨 ~"



跟住又話想同熊本熊影相, 係度跑來跑去都未企定影張相,  我話唔影啦, 佢先肯企定定影張相 (定咗幾秒咁多...)

跟住又問 "熊本熊係咪好鐘意食melon 架?!"
我: "都話佢所有生果都食咯!"
諾諾: " 哦 "

又明知故問~



呢隻熊又幾得意既




跟住先行精品部, 可能剛開業, 好多人, 帶住佢行都幾辛苦~
諾諾一眼就望到d車,  即刻"標"咗過去, 真係拖都拖唔住~ 

諾諾睇到好入神, 我由佢睇一陣.
隔離位男士 (唔識既) 都睇到痴咗, 兩個都攞起d車嚟睇, 諾諾見人一攞起架車, 佢又想攞.  兩個都好似唔肯讓位比對方

之後同佢去supermarket, 睇吓有無野啱買,  諾諾猛話要幫我推車仔, 原本比佢推, 但太多人了, 最後我都係自己推~ 

諾諾買完野就返屋企了~

 

第二日都係sunny day! 
諾諾衣家每朝8點就起身, 中午早d出去買餸, 等佢瞓醒比佢去玩吓水~

呢個人好心野, 每次掛住玩唔肯瞓 (真係可以成個鐘都唔瞓!), 今次同佢講明, 唔早瞓早起身, 過咗鐘無得去游水.   佢好快就瞓咗, 5點前游水喇~



去得大人池多, 一去到BB池, 可以自己行, 諾諾好似特別開心, 因為佢覺得自己識"游水"了 ...

佢以為咁樣"爬" 已經係"游緊水"  ...  仲要"游"到好遠~

諾諾我同佢講 "呢D唔係游水, 係爬緊呀", 佢 hyper 到完全聽唔到我講野~
我行過去佢度, 佢以為我"捉"佢, 佢想"跑", 但一"跑" 就想跌 (佢唔識水有阻有), 無跌到但又忍不住笑, 跟住又繼續"跑", 見到佢個樣都想笑

仲要越叫越走~



之後都廢事叫佢, 我著鞋走, 佢先行返嚟跟我走~ 

返到屋企比佢食完少少野, 諗住早d食晚飯, 唔比佢瞓住,
點知佢睇睇吓BB台瞓咗!  唔使氹佢瞓啦, 仲好   
星期五, happy Friday!
諾諾放咗學, 即刻同佢返屋企食飽飽比佢瞓攪, 晚上約咗d靚女食飯.

諾諾瞓咗唔係好耐, 諗住比佢係巴士度瞓, 點知條路好多車和塞車, 佢掛住望, 完全無瞓過...
我都驚佢食飯時會發顛, 好彩 warm up 咗一輪都平靜渡過.

差不多食完飯, 叫諾諾送花比兩位壽星女, 佢竟然怕羞!  好好笑,  真係估佢唔到


.





諾諾平時唔食芒果, 之前試過少少已嘔番出嚟. 
晚上幾位姐姐"氹"佢食, 食咗兩啖 (眼都紅哂) 仲識笑, 好比面了  




過了一個好開心嘅晚上, 笑到好攰, 仲收到Vera 姐姐嘅禮物, 諾諾真係好開心啊!

星期六, 中午出街放電, 比佢著上年婆婆買嘅"熱褲", 上年未啱著, 今年啱喇~ 

瞓醒出發去婆婆度.
姨姨生日, 順道和姨姨切蛋糕.  又有蛋糕食了, 食得最多又係諾諾

食飽飽返屋企 Z zzz ~

星期一放學, 同諾諾去了買風扇, 原本的風扇比諾諾整跌了幾次, 壞壞地, 天氣太熱, 真的要換一把了~

未行到電器部, 經過精品部, 諾諾已經被各色各樣嘅卡通公仔吸引住 ~ 

仲要好熱情咁攬住唔放, 其實我好驚D塵....

越叫佢放開D公仔, 佢越"肉緊", 攬得仲實, 呢日鐘意嘅係 Toy story 人物... 
已經唔記得自己袋住咗架車仔~

諾諾: "mami, 我鐘意胡迪同埋巴斯光年呀!  不如買返屋企呀"
我: "你咩野都鐘意架, 睇吓得啦, 唔使買, mami 無錢架, 同佢地講拜拜, 下次再嚟探佢地吖"
諾諾: "um....  拜拜巴斯, 拜拜胡迪, 拜拜 xxxxxxxxx (好多公仔...)

臨走比佢見到 Thomas & friends 嘅puzzle, 又要攞起嚟睇吓先肯走~

見佢都幾乖, 獎勵佢食雪糕新地 ~ 

諾諾一見杯雪糕新地, 首先攞起支朱古力條來"點" d cream 食, 之後就開始食雪糕~

好似好滋味咁~

之後個樣都變埋, 佢唔慣d雪糕咁凍

食食吓慣咗, 話好好味, 仲成口朱古力醬 ~

買了風扇, 任務完成, 諾諾應該都攰了, 飽哂就返屋企喇 ~