結婚周年

今天係我和和Babi 結婚周年, 不經不覺已經過了六年, 時間過得真快 。

之前Babi 提議等諾諾放學，晚上一齊到山頂食飯，我唔想帶諾諾出去，寧願自己煮，一來明天諾諾要返學，但最主要係因為佢越來越野蠻! 

 自返學之後，諾諾學左同學仔d說話，成日亂講野和學左好多壞習慣  (以前打噴嚏時識得掩口鼻/ 知道唔可以對人講"死"字/亂指人係無禮貌/食飯前會叫人食飯等等)，返左學之後又越來越無禮貌，越來越唔聽人講野，仲日日都駁咀，覺得自己咩都識…

Babi 好想晚上帶埋諾諾出街食飯，我話只會去屋企附近食，免得勞氣~~ 

Anyway, 送左佢返學先~

今日都幾凍，得16度，諾諾第一次著校褸，件褸好大件，佢著左成個小路寶咁 XD

好搞笑!

Babi  突然醒起有時間探一個國內嘅朋友，我陪佢一齊去左深圳，諗住去行吓d shopping mall XD 

 好快嚟到福田口岸， 自陀諾諾開始都無去過大陸, 我都想去行吓~

之後搭的士去金光華商場行街， 唔買都睇吓 XD

 

商場都已經有聖誕佈置，但好似無咩聖誕氣氛…

我都知國內嘅商場好大，但只有商場大堂有聖誕佈置~

行左一陣, 入了這間賣玩具的舖頭，Babi和我一入到去己經好鍾意!   

我諗如果諾諾都有嚟，佢一定唔捨得走 XD

 

d 模型好靚~

Babi 最鐘意呢邊, 真的很有safari 感覺, 因為佢最鐘意馬 ~

仲有好多車車~

呢張Lego 枱真係靚，玩完d Lego 唔使點執, 啱哂諾諾 XD

 時間有限, 之後要去食午餐先~

Babi 話有朋友介紹附近有間buffet 好味, 但唔想食太飽, 四周圍逛吓有咩食~

之後見有間"一茶一生" 台式飯店, 入去試吓~

點完菜侍應就放低個沙漏, 如d沙漏哂食物還未到, 食店就要送某樣野比食客, 好似係送餐飲卷, 但對我嚟講可能無用 ~

Babi 點咗呢個秘制鹵肉茶葉蛋,

其實不很特別...

呢個酸梅車厘茄酸酸地好開胃!

 

太多選擇，好多野都想食!   

但唔知揀咩好，最後一人點一個午餐，唔使諗 XD

Babi點左個婆豆腐，

原來都幾辣！　因為國內食嘅係麻辣，真的越食越辣~

我點左三杯雞，但味道普通~

我和Babi 都飲台式奶茶， 但也沒有驚喜~

 

同朋友傾計傾遲左，3 :15  pm先開始離開!!

過關後即刻打電話到學校話要遲15 分鐘先嚟到接諾諾~

諾諾見我和Babi 一齊嚟接佢, 好開心!

Babi 仲同佢有禮物送比佢, 搞到一路行諾諾一路問送咩比佢...

 

 

最開心都係諾諾, 又多兩隻動物了~

 

 

今年的結婚周年慶祝過得很簡單, 但難得Babi 自己請假一齊行街, 又可以一齊接諾諾放學, 我也覺得很開心了~

 



食篇~

 

星期六, 好友的BB開百日宴 Party, 好開心呀!

為免諾諾野蠻症發作, BB 又咁細, 今次唔敢帶諾諾嚟~

 

Party 的佈置真的很有心機~

 

真的很開心, 還影了很多相~

 

 

仲有好多野食, 應該食唔哂~

由於無帶諾諾嚟, 我 10:30 PM 先走, Babi 睇住諾諾成日, 真係辛苦佢啦~

第二日, 比諾諾睇百日宴的cupcake, 佢一見到就好開心! 

忍唔住一手攞嚟食.....

 

仲有仲 MiMi 姐姐送比佢嘅麥堒禮物, 開心到由個心度笑出嚟, 哈哈~

 

 

 

有天不用上堂, 與諾諾去街街. 

經過 Baby Cafe, 入去食lunch.

 

 

 

 

 

 

 

 

 

諾諾好鐘意飲呢個湯, 幾好味~

 

 

 

 

鯖魚菠菜忌廉意大利飯, 原本諾諾話見到D飯綠色唔肯食, 試咗一啖之後, 話好味 XD

 

另外呢個都好味,D支豆好香, 個紫心番薯好味~

 

 



諾諾好鐘意食呢個紫心蕃薯, 幾香甜, 佢食咗好多 ~



 

 

 

星期日, Family day!  同Babi 一齊去街~

 

 

 

先去食午餐, 之後行街街

 

Babi 未去過睇諾諾塊"諾土", 今日一齊去淋水~

 

 

 

 

當然, 諾諾每次都係去玩多過做既~

又玩到唔捨得走~

 

 

 

之後去了錦田的跳蚤市場.

 

見到有玩具仲想叫 Babi 買...

 

 

 

見到有小食店又忍唔住想食野~

 

有野食就乖乖行過嚟, 哈哈~

 

 

 

食得好滋味 XD

 

 

玩咗成日, 真的很累, 係時候要返屋企休息了~



 

亞太區美容展 2013

11月13至15 日是亞太區美容展 (Cosmoprof 2013 ), 我好開心可以到丞燕的攤位幫手。

入到會展門口已非常多人，來自不同國家的，有很多化妝/護膚/健康食品/儀器等等公司或廠家也來港找代理商或找機會。

我們丞燕是美容和健康食品，booth 在一樓，三樓有各式儀器，五樓有時裝展，真係想趁機會睇哂!  可惜無咁多時間~

上展覽會場經過好幾個燈箱, 好多都靚! 

其中有個指甲用品公司的燈箱，真係好靚!

一連三天的美容展, 希望在最後一天有時間去 shopping !

未入場, 地下已經很多人了~

呢個係我地丞燕 (E.Excel) 嘅 booth ! 

雖然地方不大，用作放主要的健康食品和護膚品也足夠了~

星期五, 美容展的最後一天, 用了個半小時來個 quick shopping!

有個booth 更有猛男"坐鎮", 很多人圍觀和影相 XD

 

時間有限, 我 1:30 pm 已經的開始shopping, 很多booth 還未開始減價售貨, 有些已經開始, 但還未算最平.  由於我趕住走, 見啱就買.

 

認識丞燕後知道很多健康的資訊和安全性, 大部份品牌護膚品和健康食品我不會選擇, 因為知道原材料,生產過程, 營養價值和安全性是最緊要, 所以, 我只會買丞燕無的健康食品.

 

 

最後, 我和幾位朋友極速買咗d指甲油, 香燻油和 Herbal pad.

有d品牌較早時 $50/支, 過咗 2:00 pm 後減到 $20/支!      我開頭買貴了! 

 

 由於心有不甘買了貴野, 之後帶朋友去買時再講價, 哈哈, 又買多支了 ~

 

 

 

買得真係好開心 !   時間過得好快, 我要趕住返去接諾諾放學了~

 

 

不過, 今次的經驗真的很好, 很開心可以跟不同的人分享營養免疫學, 雖然我不是專業醫生, 但透過陳博士的研發的營養免疫學, 令更多人知道維他命和藥物是不可以亂食. 

還有不論健康食品/食物/飲品或護膚品等等, 也要注意安全性. 

 

 

幼稚園旅行

諾諾第一次的幼稚園旅行, 很期待~

原本Babi 都去, 但報名後先發現當日有事做, 無得同行, 有少少失望啊!

 

準時集合, 我地搭第一架旅遊巴, 9:20 am 齊人出發.

在旅遊巴上老師們叫同學們唱歌, 玩遊戲 (原本我想等諾諾瞓一陣...),

個個同學仔都好開心, 之後老師提議玩遊戲, 遊戲名叫Bingo.

小朋友們好投入, 已經有好多小朋友贏了小禮物,

諾諾好緊張, 猛問"bingo 未呀??"

臨落車前諾諾終於都Bingo 啦, 贏咗有份小禮物, 好開心!  

 

 

落車啦, 諾諾見到隔離同學仔, 即刻拖住人地一齊行, 人地媽咪都笑佢

 

 

 

 由於我地坐第一部車, 最早到, 在大廣場等齊人先開始活動, 仲有9架車未到, 有排等~

 

諾諾見到另一個同學仔, 拖住人周圍走, 之後同學仔跌到, 趴咗係度, 諾諾無留意, 仲"拖"住同學仔嚟跑,

驚嚇到我和同學仔媽咪哩     好彩人地無跌親...

我知諾諾好開心, 佢情緒非常高漲, 開始失控, 我點講佢都聽唔到~

 

叫佢影張相, 同學仔即時笑, 但諾諾完全無反應~

 

 

幫佢和同學仔影咗N咁多張合照, 終於有一張係"正常的" ...

 

 

 

 

 

同學仔都贏咗遊戲,  諾諾攞咗同學仔把間尺來玩...

佢把間尺係自己背嚢,我叫佢返屋企先好拆出嚟, 佢竟然攞人地d野...

 

 

 

   之後又拖住同學仔四處跑, 我真係驚佢整親人~

其他同學仔媽咪一叫佢地唔好跑/返嚟或飲水等等, 佢地好快會停.  但諾諾係完全無聽...

 

 

 

轉頭又喪跑, 真係好精力~

 

 

 

齊人了! 

大合照後, 與老師們一齊唱歌, 跳舞和玩遊戲.

 

 

但諾諾已經無電了 ...

 

 

謝哂~

  

 

後來同同學仔玩遊戲, 又玩到顛哂~

 

 

 

 

玩完遊戲, 學校送咗支bubble比同學們 ~

    

 

 

見到佢用盡力想bu D泡出嚟就想笑

 

 

 d小朋友一齊吹bubble 好得意~

 

 諾諾吹唔到bubble, 婆婆睇唔過眼, 過嚟教佢~

  

 

佢似噴口水多過吹bubble

 

  

 

諾諾好鐘意呢位咁可愛嘅同學仔, 每日放學返嚟都提起佢

 

 

 

  

 

玩完一輪去醫肚, 我地訂咗午餐, d餸都 OK 架~

    

 

 

 

食飽飽, cheers~

  

 

 

 

之後又去玩, 呢個"吹氣船"好多人排隊, 個個小朋友入到呢隻"船"都非常高興,

夠鐘時個個都唔肯離開

 

 

 

 個個小朋為咗爬上去, 出盡飲奶之力咁爬!  之後"sir" 落嚟嗰吓就最開心!　

 

 

 

 

玩到顛哂~

  

 

見到佢地係咁爬, 真係見到都覺得攰~

 

 

 

玩完隻"船", 諾諾話想試吓呢個 - 攀石

  

 

老師見到問佢"夠唔夠膽玩?"

我覺得佢未識驚, 轉頭爬多兩級就知

 

 

 

 

佢話"驚", 唔想再爬 , 哈哈~

 

 

但都要繼續, 爬多幾級先落嚟~

 

 

攀完石, 排隊玩跳彈床~ 

 

 

太多人排隊, 個個小朋友四周走, 坐唔定, 唯有出動佢 --> 

有勞媽咪啦~

  

 

 個個小朋友睇車車 movie, 睇到定哂~

果真是"eye 瘋"!  睇得多都唔掂, 但無辦法, 佢地個個都已經攰到顛哂~

  

 

 

等咗好耐, 到諾諾啦! 佢真係好興奮 XD

 

 

 跌咗幾次~

 

 

 

 

 

 

 

跌低再起番身~

 

 

 呢個係最佳放電方法 , 佢應該攰到無意識啦

 

  

  

 

一上到旅遊巴, 諾諾唔使2分鐘瞓著, 其他小朋友都係, 成架車靜哂, 哈哈~

 

 

今日真係超攰, 又勞氣.

有個媽咪請假陪小朋友嚟, 佢都謝哂, 仲話攰過返工, 佢話出年唔會嚟  

 

 

 

 

 

 第二日, 瞓醒同嫲嫲去種菜~

還未行到去塊田度, 見到有其他小朋友, 要同人地一齊食零食先~

 

 

 

真係好好太陽呀!

 

 

D白菜仔有收成啦!!!

   

 

 

    

 

 

收成之後又種其他野, 今次種D尤物菜.

諾諾只負責淋水~

 

 

淋完水, 佢無端端走去搬D哂櫈出嚟, 逐張排好, 我叫佢唔好搬啦, 坐一齊就要走.

但佢唔聽, 繼續佢搬哂D櫈出嚟,

原來想好似佢上堂時咁, 佢做"老師", 叫"小朋友們請坐低" 

 

 

嫲嫲唔知點解諾諾搬哂D櫈出嚟,

但聽見諾諾話: "小朋友, 衣家開始上堂喇!"

嫲嫲都忍唔住笑 XD

 

 

比佢講完一輪, 要自己負責執番好D櫈, 佢搬得好辛苦咁樣, 

仲叫嫲嫲幫佢執手尾, 我叫嫲嫲一齊走, 唔好理佢, 佢先肯自己執番D櫈 ~

 

 

之後搭車去食午餐.

係地鐵車廂內無位坐, 要企,

諾諾在玩背囊個扣, 之後自己扣住咗係地鐵扶手度, 出唔嚟,

我和嫲嫲唔幫佢除咗個扣, 佢走唔到, 我話"我地落車啦!"

之後佢喊, 個個乘客見到都忍唔住笑, keke ~

 

佢話以後唔會再玩個扣啦, 我話等一陣先幫佢開個扣,

差不多落車先放佢, 佢個樣好可憐咁, 要等佢受吓教訓!

 

 

 

佢好肚餓了, 食咗好多野~ 

 

 

返到屋企洗乾淨d白菜仔, 真的很新鮮!

但好多 "lon" , 因為無農藥嘅關係, 會有蟲蟲食菜葉~ 

 

 

 

 

清炒白菜仔 !

  

其實味道無太大分別,

只係自己種出嚟嘅和知道無農藥/殺蟲劑等化學物質,

食得較安心. 

下次收成嘅可能係蕃茄, 好期待 ~