開學了!

 

之前的 Pre-school 畢業後, 一星期之後就開始幼稚園 K1 生涯了~

 

 

 

 

 

提前開學作學前準備, 每天返兩個鍾, 頭大半小時家長跟小朋友一齊上課, 之後就要"分離",

我地家長們去聽家長會~

 

 

第一日返學, 諾諾都唔驚, 見到班房內的玩具, 更想攞哂來玩....

 

 

又對周圍的環境好有興趣~

 

 

 

 

 

 

諾諾問我: "呢個係咪 8 月20 號 呀?? "

佢睇D數字都估到喎!  ( 佢未識"字" 架 )

 

 

 

 

 

上課鐘聲響起, 所以小朋友要返埋位, 點名之後老師帶領唱返學的早安歌,

之後就有小遊戲, 開始時小朋友們都怕怕羞羞, 過左一陣, 開始投入了~

 

 

諾諾都開始投入"上堂" 了  ~ 

 

 

 

 

我地仲一齊在堂上做了個"勞作" ~

諾諾好認真咁"欣賞"緊  ^0^

 

 

 

上堂時老師叫同學們做的勞作, 要即席諗吓想畫 D咩,  主題係咩,

諾諾即刻話想畫海洋生物... 

佢話要畫鯨魚, 海豚, 鯊魚, 水母, 還有 XXXX ...

 

但係得唔夠 10 分鐘時間, 又要"痴", 又要畫, 盡量做啦~

 

 

畫完後, 諾諾好似好鐘意呢件 "勞作" XD

 

 

 

第二日如常上堂, 放學返屋企瞓醒後, 去接 Babi 同佢食晚飯, 好耐無接 Babi 放工啦!

諾諾好開心!

 

途經商場有藍精靈的公仔, 諾諾又話要影,

仲學埋佢個表情 ......

 

 

 

 

 

 飯後 Babi 見諾諾想食甜品, 忍不住叫一個比佢食,

諾諾一見到係咁食, 好似無食過野咁 ...

 

 

 

失禮哂  > . <

 

 

 

 第三日返學了!   好似已經習慣哂~

見有同學仔喊, 佢都有叫 "小朋友唔好喊"  XD

 

 

 

今日早咗少少返到學校,  有時間去攞玩具玩~

 

 

 

諾諾真係適合群體生活, 但要學識點樣同小朋友們相處~ 

 

 

 

又到了 "分離" 時間, 同學們排排隊去洗手間,

我地家長們又去開家長會了~

 

 

見到佢地一個排一個, 真係幾得意 ~

當然, 有d一見家長離開, 喊到拆天~

 

 

 

之前買了套 "醫生用具" 比諾諾, 佢返到屋企沖完涼比佢玩, 佢一見到好開心哩!

仲搵我做佢"病人"    ^0^ 

 

 

 

 

之前大減價買的 LC, 細細件好可愛喲!

 

 

 

到了星期五!   之前的幾日明明好好天, 今天下大雨!

好彩帶埋雨褸接諾諾放學, 但佢見到落大雨好開心哩 !

在堂上更一齊做了勞作,  今次做呢隻鴨仔可以 "拖"住嚟行架, Wahahaha ~

 

 

 

 

過了頭一個星期的幼稚園生活, 諾諾也很適應校園生活, 希望佢有個開心的幼稚園生涯啦 ^^