上星期已經開始返幼稚園, 踏入第二個星期, 開始要著校服返學.
呢個星期仍然是返兩個鐘頭, 放學後帶諾諾去了食麥當勞~
仍是早餐時段, 比佢食熱香餅 (佢未食過麥當勞嘅熱香餅),
一見到有牛油和糖漿又雙眼發光~
佢真係好好胃口, 一個人仔食咗兩塊熱香餅, 小半個豬柳蛋漢堡包, 仲要連我件薯餅都食埋 ...
第二天放學,
諾諾瞓醒午攪後, 見我整咗杯香蕉新地比佢食, 好happy 哩~
有天放學約了公公婆婆飲茶, 飲完茶見有 Thomas & friends 車車, 又嚷著要玩 ~
摟完一輪, 比佢同公公去會所玩一陣, 諾諾係咁跑, 見到佢都覺得攰 ~
返到屋企好好瞓~
星期五, 諾諾放學後同嫲嫲玩,
我和朋友去食 lunch XD
食完餐飯, 仲有時間去嘆多陣~
晚上出街食飯, 臨食飯前見到迴旋木馬,
諾諾對佢好有興趣，係都要坐上去玩吓, 哈哈～
星期六，一齊落街散步，諾諾無端端話＂做運動＂。。。
途人見到佢手 "fing fing", 忍唔住望多佢兩眼....
(笑C人...)
呢架飛機, 我家野蠻人日日都話"想要",
有日, Babi 終於忍不住買了...
佢仲成日話"想睇麥堒飛機", 又扮車聲和飛機聲,又將d車係牆上滑過...
我真係唔敢帶佢去睇呢套飛機總動員 (Planes), 後果真係想像不了...
晚上, 諾諾係都要Babi 陪佢玩~
笑到個口都合唔埋 XD
呢架飛機又玩咗大半個鐘, 玩到顛哂, 有得玩佢就唔使瞓...
佢地玩時, 我就煲湯, 婆婆幫我買了些石祟,
用來煲蕃茄薯仔諾諾就最鐘意喇! XD
