朱古力迷~

6 月17 日, 返完學去食buffet , 是日提早同舅父仔慶祝生日, 飯後可以去行街,
不過, 近來帶住諾諾呢個野蠻人行街係一項好大嘅挑戰 ...  

 

我地遲咗, 一坐低拿拿聲攞野食先~

 

 

無去過Hong Kong Hotel 間 Cafe Macro 食buffet, 但款式和味道很普通.... 

 

食咗一陣, 舅父仔問諾諾想唔想出去睇朱古力噴泉??
諾諾梗係想啦! 之後舅父仔就抱咗諾諾出去朱古力噴泉攞野食~





諾諾一見到個朱古力噴泉又雙眼發光, 拿拿聲攞起舊麵包來"點"落d朱古力度~

 

諾諾開心到哩

 

 

攞咗兩轉朱古力和pancake, 諾諾食得最多係甜品~佢真係一名朱古力迷~

 

呢度d甜品款式唔多, 有d都幾難食, 我只係攞咗少少甜品....






食飽飽去行街, 途經LCX, 有龍貓呀!     好得意!

龍貓真係好得意! 仲有煤炭屎等等,另外嗰D都唔記得咗個名了~

 

諾諾都覺得好新奇,  因為"龍貓"唔係佢個年代

影完相, 去了Muji 買野, 開頭都笑笑口, 但佢已經好眼瞓, 又在摟計...

原本諗住佢上完堂, 可以係車度瞓一攪, 瞓醒會夠精神.
點知, 佢全程唔肯瞓!   至到食完餐飯, 已經好攰...
 一路行, 一路顛, 攪到我好勞氣!

行到咁上下, 大家都攰, 坐低飲杯野. 
諾諾見姨姨有咁大杯野, 佢又想飲, 最後仲飲埋姨姨杯熱朱古力... 又係朱古力...

返到屋企已經好攰, 但一攞d新書出嚟, 佢即刻又精神! 
因為呢本恐龍書係佢之前好想要既~  睇完書, 瞓低唔使3分鐘就瞓咗, yeah!

有天的中午, 同諾諾落街散步, 見咁好天, 佢都好開心!
猛話: Sunny day 呀, Mami !  

晚上去了婆婆度, 去了家新的海鮮酒家食飯~

d細瀨尿蝦雖然細隻, 但又幾好肉喎~

貴妃蚌都好好味

第二日返學, 早到咗, 去隔離playroom 玩一陣 ~

諾諾玩完呢樣又玩另一樣, 見到有書, 又想睇書, 見到佢真係忙~

諾諾無端端係playroom度巢咗d波出嚟, 幾個小朋友一見到又顛哂~





真係好似在踢波

諾諾呢招叫 "踢到飛起" 




個個都玩到唔捨得去上堂

.



星期日 family day!  食完野Babi 話帶諾諾去"睇車車"
諾諾一入到去玩具反斗城, 開心到顛 (因為好耐無去過  )


之後行到去"麥堒區", 佢好開心, 仲好專心咁"睇" ~
講咗只係"睇", 唔會買野~

好似好忙咁...

Babi 都忍不住揀埋一份

兩父子一齊研究一番~

Babi 見到佢咁唔捨得, 又心軟想買比佢 ~ 
因為佢近來太曳, 我收起好多車仔, 佢無咩車仔玩 ~

最後Babi 話買一架車比佢 , 佢開心到猛話自己"會乖"  (日日都講...)

臨走時, 經過其他"車車區", 又唔捨得走  

星期一放學, 臨走前又話要同長頸鹿影相.....
同婆婆一齊來接佢放學, 之後諾諾去婆婆度, 我就出街~ 

星期二約了朋友食早餐, 食完野後帶諾諾去了新開的書局, 佢一入到去好開心  




一見到d卡通人物就最開心~

明明屋有張差不多的學習卡, 又話: "屋企無呢張呀 Mami, 買呢張吖?!"

我:  "屋企有d差唔多既卡喇, 呢d字你都識哂,使咩買呢?   仲有Mami 無錢架."
諾諾: " 哦..."   

之後自己慢慢係度睇~

夠膽搬哂人地d野落嚟睇....  之後又要自己執番佢~

太多書, 諾諾睇到入哂神~

之後約咗婆婆食lunch, 之後返去瞓攪.   無端端又落大雨, 好彩走得快 ~ 

第二日見有時間, 帶咗諾諾去圖書館~
入去前已經同佢講咗圖書館內要好靜, 說話要細聲.

但係呢, 一入到去, 諾諾見到咁多書和唔同形狀嘅櫈, 又想四周走....

諾諾: "睇邊本好呢?? "




仲不停問問題, 可能佢太開心, 講野好大聲.... 
我'shu' 咗佢好多次都無用~




坐坐吓, 隔離個妹妹都一齊睇, 原來大家都係今年返K1~

諾諾好多野講, 呢個妹妹都好多野問佢, 好搞笑

諾諾梗係唔識啦, 妹妹問完佢, 佢又問我, 我答完佢, 佢又答個妹妹, 重覆咗好多次  

之後仲一齊走去睇其他野, 真係叫都叫唔住 ~

 

個妹妹走咗 , 諾諾又行去一度睇書,
其實佢係想入去玩~

有d小朋友真係坐係度睇書, 但有幾個係度跑來跑去, 初時諾諾都想同佢地一齊跑, 我叫咗佢幾次先肯坐定定~ 

嚟咗差不多 45 分鐘, 係時候要走了, 下次等佢瞓醒攪再嚟過~

午睡後同諾諾去游水, 天氣咁熱, 仲好同佢去玩水~

仲有個哥哥比支水鎗佢玩~

 

 

游完水, 返屋企飲意米檸檬水, 好爽呀!

.