生日會

接近暑假, 好多新戲上演, 特別係適合小朋友睇嘅戲.  

諾諾自從睇過怪獸公司和其他迪士尼嘅戲之後, 每逢見到有呢D戲嘅任何廣告, 都會特別開心. 

有時佢係房間玩緊車, 一聽到電視有 "怪獸大學" 或 "極速Turbo" (近期的電影) 等的電影廣告, 佢會即時衝出廳, 望住個電視, 之後就會話 "我鐘意呀!"  或 "毛毛呀, 我地幾時去睇?"  等等, 見到佢真係想笑


早幾日只係經過 Giodano, 諾諾離遠已經見到個廣告, 即刻叫我 "影相吖, mami!"
真的好搞笑


又話要"影相", 自己又望住d怪獸




終於影到幅OK 既~

6月28日, pre-school 班在差不多放學時開生日會~

D小朋友入到playroom, 見到枱上面有蛋糕和小小禮物, 所有小朋友都控制唔到.

淨係要佢地坐定定, 之後排隊行出嚟, 已經用咗超過 15 分鐘...  因為每當一個小朋友坐低, 隔離嗰個又起身~  當老師叫呢個坐番低, 後面有兩個又行咗去窗邊, 不停重複~
 D老師講到口都乾



諾諾等咗一輪, 各小朋友終於排住隊出嚟喇~

個個小朋友一埋到枱邊, 個個都"侯" 住兩個蛋糕 , 又要等佢地冷靜一吓先~

等咗一輪, 個個開始"靜止" ~

大家冷靜下來後, 老師要點蠟燭, 一點蠟燭, 個個小朋友又 "哄" 埋去老師度, 個
火一點, D小朋友講野!  個火就被吹熄了...  





......

........

如是者點咗好耐, 個個都好心急了

終於都點到支蠟燭啦!  我見老師都一額汗  

個個小朋友都好 high !

個個都想"摸"吓個蛋糕 ~

好快已經有小朋友想"摸"啦,  姨姨叫都叫唔住~

叫完佢地唔好摸蛋糕, 個個都靜咗幾秒~

唔夠一陣, 又有另外兩個小朋友"出手" 啦, 真係好搞笑~ 

老師又再重複, 要佢地冷靜
 

個個都問我點解老師好似全程"禁"住諾諾咁嘅?  係咪諾諾伸手去摸個蛋糕?

其實佢無"企圖" 或嘗試去摸個蛋糕, 佢淨係望住個蛋糕啫

玩完一輪, 去另一間房食蛋糕~

未上蛋糕, 又要玩一輪先~

等咗好耐, 終於有蛋糕食啦!  但場面混亂, 有兩個小朋友話"唔夠食", 係度喊, 老師再加比佢地, 諾諾呢?  食咗幾啖就掛住 "吹BB" ~

佢對個"BB"好有興趣

因為 ... 佢試咗幾次都無聲

生日會完咗之後就約咗嫲嫲食 lunch~

食飽後又玩咗大半日了~

第二日 - 星期六, 家有囍事, 要派餅 ~






見到d皮蛋酥, 個個都忍唔住要食番個~

場面混亂, 好彩有專業分餅員幫手~ 

分完餅一齊去咗食飯, 好開心.  諾諾都攰了,  又開始失控, 唯有比佢玩吓 電話~ 




太眼瞓了, 連件衫都可以玩一餐~

返到屋企仲好好瞓~




個皮蛋酥又真係幾香既

仲有長柄士多啤利食 ~





星期日去了 Mi Mi 屋企玩, 坐低又有果凍食~ 





是日玩"包餃子"

我地幾個在吹水, 有專人同諾諾玩~

諾諾就嚟大力過亞 Mi 了~ 

傅 Auntie 就嚟生日, 來預先同佢切蛋糕, 祝佢生日快樂, 最緊要開心和健康  

我諗好快又會再聚過~