多野講~

過咗諾諾生日, 應承咗比佢玩之前Mi Mi 姐姐送比佢嗰套Thomas 玩具.
佢見到不知幾開心
猛話: "Mi Mi 姐姐送架!"  (差不多隔日提我一次~)

 

.

嘩, d車車開得好快! 快到影唔到添! 
.


又經過商場, 見有小朋友影復活蛋, 佢又話要影~

4 月4 日 清明節, 等Babi 和嫲嫲拜完山一齊去咗飲茶, 太多人了, 要早d去攞位啊!

飲完茶行咗一陣, 見呢款韓國出嘅 "lego", 買嚟比諾諾玩吓~
.

佢開頭玩得好開心, 但d "齒輪" 形狀都幾"實", 每次砌完要好大力先拆得番出嚟~
.


但真係可以令到小朋友發揮自己嘅創意~

拜完山有一大盒燒肉, 晚餐一煲煮哂佢~.

星期日family, 竟然落雨, 無得出街, 只係屋企附近食tea ... 



周圍都濕漉漉的下雨天, 出街真不方便!
但諾諾就開心, 因為可以用自己把傘~
.



星期一同婆婆佢地去食野, 商場內又有復活節佈置 , 真係好靚~但諾諾一見到d兔仔又四周圍跑, 要婆婆搵佢 ......

.

.



有天去了東薈城shopping, 買咗d朱古力比諾諾食, 佢好珍惜咁食

 

.

好小心咁開, 好驚跌哂 (我同佢講: d食物跌咗就唔會再買) 
.


諾諾: 好好味呀!

.

.

行到攰, 坐低抖吓.  
諾諾見我地坐低飲野和食雪糕, 自己又想食~
.

.



食完又話凍, 之後面容扭曲

.

又話凍, 但又想食~.


之後成杯比佢食哂...

.




第二日好好天, 同佢落街散步, 之後去咗睇魚 ~ 

.


睇到好專心咁~

見到隔離個小朋友餵魚, 佢又話想餵. (但其實唔可以餵架...).

.

走嘅時候, 我同佢講唔可以餵呢個池d魚, 有人會負責餵, 唔可以亂比d魚食野.

諾諾: "點解頭先個小朋友可以餵?"
我:  "可能佢唔知道唔可以餵呢?  佢未識嘛, 佢爸爸之後會教佢架啦."
諾諾: "咁佢就唔乖啦, 我要同佢講佢咁樣唔啱."  (佢想走返轉頭, 我拉住佢  ...)
我: "唔使啦, 佢爸爸會講佢聽啦, 我知你叻啦~"
諾諾: "哦, 咁我地走啦~"


3歲人仔, 但好老積...
好有自己嘅主見, 唔肯聽人講...
自己又爛玩, 心又野....
每日淨係同佢傾計和"講數"都講到口乾~