三歲啦!

昨晚去完迪迪尼慶祝舊曆三歲生日, 仲有個蛋糕"攞走" , 第二日食埋佢.

原本訂了朱古力mousses, 但真的太肥, 後來改了普通忌廉 (感覺上無咁肥 )


諾諾瞓醒見到個蛋糕好開心, 今日呢個tea 應該好飽吧~

 

點知...  佢唔鐘意食呢d生果, 又唔鐘意蛋糕側邊的碎粒...  攪到我要揀中間的蛋糕比佢食 , 佢真係寧捨麻煩... 

30號了! 

星期六生日當日下午又落大雨, 姨姨過嚟同諾諾玩, 仲送咗套story books 比諾諾.   三本故事書中, 佢未睇過怪獸公司, 但竟然最鐘意怪獸公司!   佢記得毛毛, 大眼仔和亞boo.  但聽完個故事之後, 佢唔敢自己瞓   (佢已經開始自己一個係房瞓了...)

因為佢驚d怪獸真係會係個衣櫃度走出嚟 (嚇佢)    其實以前我都幾鐘意睇怪獸公司, 因為睇完迪迪尼d戲真係幾開心, 但諾諾始終仲係細, 要慢慢教番佢先得 ~  



.


到了夜晚, 約了公公婆婆一齊慶祝諾諾的生日~  
今年訂咗雪糕蛋糕, 由於太遲訂, 訂唔到另一個"小皇子"款, 最後揀咗呢個豬仔雪糕蛋糕, 係比利時朱古力味, d朱古力好正~  

 

.






最鐘意吹蠟燭時間~

諾諾好鐘意呢個蛋糕, 可能係朱古力味吧, 佢連d眼耳口鼻都食埋 .... 
(真係有d驚佢會肚痛...)



.


又真係幾好味嘅~

.
食飽飽要返屋企了.
 最希望諾諾豬身體健康和精靈可愛 (應該每個父母也希望這樣 ), 下一次慶祝他的生日將會是K1階段了~ 

.